星期日早餐 - 芝士/ 蕃茄洋蔥焗大菇, 炒蛋, Cereal

星期六一早出去睇The Avengers, 星期六早餐變左星期日早餐:



第一次焗大菇, 一個整左洋蔥粒蕃茄醬, 我以為焗焗下茄膏會溶, 點知原來出來仲係一條條(我用支裝茄膏)...
下次應該同洋蔥粒先撈均.

另一個就用芝士, 好正! 個「炒」旦係用380「推」出來的

實驗 - 梅酒

雖然兩公婆都唔係好飲得酒(其實我好鍾意飲酒, 不過身體「唔肯」比我飲), 不過都想試試浸梅酒. 

青梅用洗蔬果專用潔劑清洗乾淨, 抺乾, 風乾(用風扇吹, 睇完電視就可以開始~)


學鬼嫁用白雪清酒~

用牙籤挑去"掟"

在梅上吉洞洞

下單晶糖, 入酒入到樽口, 保鮮紙封好, 放在櫃底. 

黃金家的第一瓶梅酒~ 希望不會發毛! 

星期日晚餐 - 西式蕃茄湯, 洋蔥蕃茄菇乾炒意粉

第一次整西式湯, 我落多D甘筍同洋蔥增加甜味, 都仲係覺得酸.


意粉係380第一個傑作, 確係好用~  用洋蔥粒, 蕃茄乾, 不知名既菇菇乾炒.

下晝自己整左一次芒果雪糕, 無VIDEO睇落咁易整, 要再試幾次掌握個技巧, 不過都好好味.

夜晚整雪糕, 下晝用CREAM, 今次用高鈣低脂奶,
摘左今日岩岩買既一棵檸檬薄荷做裝飾.

星期六晚餐 - 無水蝦仁蒸豆腐, 薑絲炒牛肉, 雲腿娃娃菜, 爵士湯

無水蒸蝦仁豆腐- 用左日式豆腐好滑~ 蝦仁如果唔係新鮮, 都係無味唔好食!

中式家常便飯

煲了爵士湯, 又甜又膠, 好鍾意. 不過買唔到綠色蜜瓜

平日晚餐 - 焗肉醬意粉

一知道今晚唔會太夜可煮飯, 即刻好興奮~


望住焗爐裡面既芝士變金黃好興奮! 好好味!

星期日晚餐 - 薑蔥炒蟹, 清酒煮蜆, 焗春雞

星期日去了西貢一趙, 很RELAX, 海鮮很多都又大又新鮮!



海鮮又是我的弱項! 不過要試試!  

薑蔥炒蟹, 唔錯~

清酒煮蜆, 比豉椒炒甜得多, 清酒香味歷久不散! 正 正 正 !

TYSON春雞試用焗爐, 第一次出爐未夠熟, 我未控制到爐溫, 後來皮很多地方都燶了! 不過算係咁啦~ 下次再努力! 

實驗 - Bamix 蝦乾粉

星期五晚夜蘭人靜, 先試打粉: 

先洗乾淨, 抹乾蝦乾, 驚仲有水份, 入微波爐叮左十幾秒

Processor

變絲狀, 可能質地問題, 唔係我想像中既粉狀, 不過OK收貨~ 

假期的最後一天晚餐 - 菜心炒牛肉, 蒜蓉粉絲蒸蝦, 青紅蘿蔔粟米湯

過了三天愉快的假期, 昨晚回港.  來到假期最後一天,  要收拾心情了. 晚餐有:

菜心炒牛肉: 

牛肉先由老抽, 生抽醃最少20分鐘, 如果可以隔夜仲好. (依一步好多人會加糖, 酒, 胡椒, 但我唔想口味太濃太複雜; 而且為健康, 糖真係可免則免. 有BLOGGER講老抽其實都可以唔落, 因老抽比生抽只係多左色素同糖!)

(如果隔夜, 我唔會放太多老抽生抽醃; 因為唔想太咸, 同唔想D豉油味揮發左.
第二日係雪櫃拎出黎, 我先再加返少少老抽, 生抽, 隨口味加少少蠔油都得)

下栗粉撈均, 再遂少加水, 讓牛肉吸水,
撈均, 再遂少加水, 重覆3-4次, 可令牛肉軟滑.

最後加油撈均.

先拍扁兩三片蒜頭炒菜心, 我習慣炒菜加水加蓋煮1-2分鐘. 菜比較快熟又唔會老OR太淋, 之後先炒牛肉, 牛肉先煎一面熟, 再加薑快炒比較香, 加用蠔油同栗粉開既水做汁, 汁熟牛肉都岩岩好唔會老.

蒜蓉粉絲蒸蝦

第一次試LC無水蒸, 感覺超好. 我用的是ROUND 18CM, 應該無RISOTTO OR BUFFET咁好用. 不過我都好想試下.

粉絲浸軟後剪大概蝦的長度, 用少少油, 蒜蓉, 鹽撈均, 舖底.

急凍大蝦解凍後剪開背部, 除腸洗淨後舖粉絲面. 雙飛部分放撈均的油鹽蒜蓉

加1-2湯匙水, 大火蒸6分鐘, 中小火蒸3分鐘, 熄火焗3分鐘.

用pre-set湯包煲個湯, 湯包有湯包既方便, 同D材料夠少-----> 岩20CM. 如果自己拾, 有時要分兩次先用得哂D青紅蘿蔔.

真的要開始減肥, 已經肥到自己都頂唔順! 

假期的第一天 - 奶油多, 豆漿加Cereal, 餐蛋飯, Grill雞扒白汁意粉

4月4日清明節, 難得可在家Hea一整天的休息日.

早餐, 快快手來個奶油多, 豆漿加Cereal


午餐來個自家茶餐

晚餐初試白汁意粉, 本來雞肉要切同白汁煮, 不過鍾意香口所以煎.

試整兩款甜品, 用了一盒在JUSCO減價買的寒天粉, 因全日文看不懂, 原來食落係大菜糕既質地. 我比較LIKE啫喱質地.

星期日晚餐 - 炒飯, 蕃茄炒牛肉, 蕃茄薯仔洋蔥湯

無論幾忙, 都唔想MISS左星期六早餐同星期日晚餐既時光.

星期日LUNCH得我一個, 係一個好好既做實驗時間, 利用雪櫃有既野煮下平時無信心既野, 自我訓練一下.

炒飯- 試到個飯可以炒到一粒粒, HAPPY! 不過個鑊 好唔掂! 唔夠熱, 仲好痴底, 估唔到咁快我又要物色個鑊!


晚餐: