減肥晚餐 - 冬瓜粒粒湯飯

冬瓜粒粒湯飯我覺得好有中式risotto feel, 用buffet casserole煮好夾, 淨係洗一個煲同兩隻碗好方便~


冬瓜粒粒湯飯

材料:
冬瓜半份
新鮮冬菇一兩
牛丸8粒
清雞湯/ 豬骨湯
米

做法:
1. 豬骨湯放大約1/3Buffet Casserole, 
煮滾 
2. 將冬瓜, 冬菇, 牛丸全部切粒, 放入湯內煮滾
3. 倒入米, 加適量水
4. 大火煮滾2分鐘, 轉小火3-4分鐘, 熄火焗5-6分鐘. (比平時齋煮白飯會耐少少)

其實可以另一邊煮白飯, 再加入煮滾的湯內, 如果出街食湯飯都會係咁. 不過我覺得連湯煮飯會令飯都有味, 而且可以一煲過~ 

星期日晚餐 - 冬瓜盅, 古勞鼓帶子蒸豆腐

兩公婆都肥了很多, 真的要減肥了! 由今晚開始我們決定吃超清淡食物, 什麼肉醬, 炸雞之類要告別一段時間了! 我們只會在週末一餐吃好些. 

減肥晚餐揭幕: 冬瓜盅, 古勞鼓帶子蒸豆腐 (兩樣都是預備媽媽到訪的後備菜) 

專登映的: Sabin Blue, Coastal Blue, Satin Pink, Lavender! 浪漫色的組合~ 

星期日的下午茶 - Rilakkuma Pan cake and Latte

星期日下午滿有信心的準備這個下午茶, 因上次整的時候超順利. 想不到這次卻弄得一敗塗地. 首先是粉漿怎也不熟, 然後一邊熟一邊發大, 漏了很多在爐頭上, 最後耳仔位又斷. 最後整一個比較似樣:  



真相: 

Espresso機方面只要咖啡豆不放太久, 大致都可做出香濃咖啡. 但奶泡實在要快些學了!  

星期六晚餐 (媽媽來訪) - 百寶福袋, 金腿娃娃菜, 鹽焗雞, 青紅蘿蔔豬骨湯

媽媽來訪. 不想煮得太複雜用太多時間在廚房, 但又不想太簡單令她擔心我的廚藝同健康, 要做些事先可準備好的, 分開不同爐具煮的...

最後選了:

金腿娃娃菜          - 拿手, 容易, 快熟, 可用BUFFET蒸煮, 近日的其他菜都不太當時
鹽焗雞                  - 用焗爐
青紅蘿蔔豬骨湯  - 朝早煲定, 再返煲即成老火
百寶福袋              - 唯一一樣第一次整既新野, 屬手功菜(對於我黎講)! 唔想樣樣都太簡單好似無乜誠意求求其其!

大婆換左雞KNOB的樣子:

大婆入屋第一件任務: 

三餸一湯:

SIU SIN教的百寶福袋 (簡化+變奏版):

簡單討好金腿娃娃菜:

Tyson雞, 第一次開邊焗:

媽媽最喜歡百寶福袋, 開心!!!

食譜 (參考Siu Sin做法)
百寶福袋 (簡化+變奏版):


材料:福袋- 日式腐皮絲帶- 九菜花

餡料:甘荀絲冬菇絲 (留起浸冬菇的水)炸菜絲
做法:1. 炒熟餡料, 調味 (我用少少雞粉), 放涼2. 腐皮對半切開(成兩個袋型), 放入餡料3. 用九菜花綁好袋口 (我怕一會煮不熟, 先用少少油炒一炒九菜花, 但如炒過熟, 綁的時候好易斷, 可炒定多幾條, 斷了的菜放埋入袋內不浪費)
4. 下鑊先煎一煎 (令袋面有少少煎香的顏色)
5. 下浸冬菇的水加蓋炆一炆, 可加切好花型/ 心型的甘荀片 (我切好但忘了加, 反而加了用剩的金腿粒增加紅色)
P.S.
由於炸菜絲已有味, 故不用加太多調味, 用冬菇水炆可配合原本的冬菇香味~
餡料其實用什麼都可以, 我覺得有軟有脆有一些香味濃的會夾得好味~ 統一切粒或切絲, 否則好似亂糟糟

平日晚餐 - 肉醬意粉, 肉醬茄子

上次做肉醬時的分量可分三次, 今次時第二次用. 在台北看過一本日本主婦寫的書, 教人利用冰箱雪好食物(生熟都有), 方便平時用. 今次我的肉醬就學她說不用解凍, 直接放在鍋中煮熟. 我覺得不太好, 因用了很多時間和不斷加些熱水幫助它溶解然後煮熟. 如果前一晚先放雪櫃下隔解凍應該會好些. 不過直煮也不影響味道, 依然好正! 

另外一條茄子先無水蒸3-5分鐘, 肉醬未READY由它焗一會, 然後分一半肉醬炒茄

星期日晚餐 - LC飯, 蕃茄炒牛肉, 清炒菜芯

星期日早上的實驗 - Rilakkuma Pan cake

星期日早上好多時可趁機食自己想食既野, 兼煮下信心不大的東東practice下.

話說在元朗一間Baking Store左等右等都唔見Rilakkuma Pan返貨 (I'm a big fans of 鬆弛熊! ), 把心一橫試下去東洋訂! 果然好快到手, 不過貴到唔可以討論!

我好驚佢痴底根本整唔到個樣, 今早試試, 點知係好順利!!! 正呀!

星期六晚餐 - 日式叉燒烏冬

尋晚14煲完飯涼都未沖, 我就要佢跟愛廚整依個日式叉燒, 點知自己抄食譜時抄D唔抄D, 梅頭肉無用叉吉，用綿線卷又唔夠緊，滷完唔記得用保鮮紙包好放進冰格定型, 所以最後切不到薄片，不過味道同衰樣都好似日式叉燒!!

星期五晚餐 - LC白飯, 偽炸雞, 雞柳炒西蘭花

SATIN BLUE第一日入屋已經要開工! 好耐無用LC煲飯, 因為上兩次煲仔飯都"mun"水, 所以平時用飯煲顧少個好D. 14CM真係好MINI, 我第一個諗到係兩人份既飯!

放上枱襯埋其他粉野好靚呀!


今晚整左既簡單又似PRO既「偽」炸雞, 靈感當然來至偽主婦!
簡單地將雞脾肉切塊, 放入保鮮袋, 加入炸粉搖均, 3分鐘後可焗.
今次我放入久了些, 有些出水, 樣子不太油炸, 不過已經好好吃!

PRO既係個碟! 有個架墊高炸物防止變lum之餘, 旁邊間隔可放不同醬, 造出PRO既感覺!!! 左下: BULLDOG醬, 中: BB旦黃醬, 上: 柚子鼓油.
我覺得點柚子鼓油最正!

上堂 - 麵包入門

看見大家整包整到好似出面買(其實係靚過出面!!!) 羨慕左好耐, 自己都買定D高筋粉, yeast... 想整又唔知點入手... 最後都係決定報返堂面包入門跟師傅學下. 

趕到C去到遲左10分鐘, 第一步見唔到師傅做乜唯有照跟隔離, 用手溝均D粉, 搓, 撻4次, 等第一次發酵. 
第一次發酵完個面團好軟好得意, 造型之後等第二次發酵...  

左起第二行個3個就係我架喇~ (3個3個為一行咁計)

掃完旦漿, 落左D黑色一粒粒唔知咩野, 焗15分鐘已經可以出爐, 好靚好有成功感呀!!!
即刻食左一個, 正
正 
正 
正 
正 
正 
正 
正 
正 !!! 

另外造左咁既款: 

如果今個星期五去完THANKFUL無頭暈身慶(上次去CLEARANCE SALES之後激得濟偏頭痛發作), 希望可以整定個包第二日食! 幻想一屋面包香沖埋咖啡真係好興奮呀! 

星期日晚餐 - 鹽焗雞, 菜飯, 青紅蘿蔔栗米瘦肉湯

今次雞是巴西, 比春雞大隻些多肉些. 鹽焗很香, 我比較喜歡它的味道多於之前西式的. 皮很脆, 肉JUICY.
菜飯用自己的方法整, 居然好好味.



鹽焗雞

1. 雞洗淨後抹乾
2. 用鹽焗雞粉塗均整隻內外
3. 用保鮮紙包好醃過夜
4. 焗前拿出來盡量攤回室溫
5. 用紙再索乾雞出的水份
6. 用紹酒掃雞腔內
7. 薄薄噴一層油於雞表面
8. 180度先焗雞胸10-15分鐘, 轉另一邊10-15分鐘, 230度再焗10分鐘.

沙薑醬

1. 沙薑粉加鹽, 下生油撈均

菜飯

1. 用電飯煲煲飯, 比平時少一些水(因下菜後會出水)
2. 白菜仔切碎, 用薑和雞粉炒一會
3. 電飯煲出很多蒸氣時, 把菜倒入撈均
4. 飯熟後打開蓋一下, 讓多餘蒸氣走出, 再由它保溫蒸多5分鐘.

湯用了湯包, 由下午開始斷斷續續地煲和返煲, 很清甜有老火FEEL.

星期六下午茶 - Bread Pudding, Latte

所有出街做的事搬在家做, 包括食好野, 睇戲, 嘆TEA...

Bread Pudding 一邊有提子乾, 一邊沒有的


話說買了KRUPS回來都未沖到一柸滿意的CAFFE, 原來我的咖啡豆已放太久了!
咖啡豆買回來應要一星期內用完, 要喝時才磨. 我買了一包星星的咖啡豆. 今天試了, 果然跟之前放了有一年的咖啡豆很大分別!
不過奶方面仍未掌握好, 咖啡頗重奶味, 只好鑑粗叫它LATTE... 要再多多學習~

星期六早餐 - 鹿兒島和牛漢堡, 有機黃豆豆漿

星期六難得可整天呆在家休息! 一早預備豐富早餐: 



鹿兒島和牛之前在豬豬島買的, 差不多半價, 十分抵食. 
因不想用爛380, 我先用180度焗大概每邊十分鐘, 再用380煎香表面. (過程中沒加調味!) 
洋蔥用一個裝的牛油炒軟, 青瓜切片, 焗面包後, 便夾好材料, 加了少少MAYONNAISE和蕃茄醬. 

只可用超好味來形容!!! 

病假晚餐 - 肉醬意粉

今早仍然好暈好暈! 看了醫生居然只簡單給予止暈止嘔藥, 他差點連說話都不想講就叫我出去, 我唯有自己問他, 他說如果我只是左右暈, 不是天旋地轉暈, 應該不是耳水不平衡, 令我安心些.

垂涎 偽主婦ki琪 的正宗肉醬意粉很久了. 下午舒服些, 材料已全在雪櫃不用買, 就試一試:

來自 偽主婦ki琪 的, 給我簡化了:

材料:

免治牛肉 300G

免治豬肉 300G

意大利煙肉Pancetta 1 盒 (超市買一PACK分開兩盒的)

切碎蕃茄 1罐

茄膏 3大匙

紅蘿蔔 2條

洋蔥 1個

牛肉湯粒 1粒

牛油 1個7G(超市買平時餐廳提供一次用一個那種)

紅酒 100ML

做法:

1. 洋蔥切碎

2. 紅蘿蔔盡量切細片, 加入少少雞粉煮至軟身, 用BAMIX打爛(不喜歡吃到紅蘿蔔, 又喜歡加了它的甜味)

3. 煮融牛油, 炒煙肉

4. 加紅蘿蔔, 洋蔥碎, 炒一陣, 加蓋煲10分鐘

5. 加入免治牛肉, 豬肉, 炒開一陣, 加蓋煲15分鐘後
6. 加入紅酒, 牛肉湯粒再煮一會

7. 加入蕃茄膏, 碎蕃茄粒

8. 中火燉煮1 小時
9. 煮意粉按包裝煮少2-3分鐘
10. 炒意粉, 加入肉醬炒開
11. 其餘肉醬熄火後不要開蓋，放至涼裝好放雪櫃下次用

這個分量可用3餐, 是我食過最好味的肉醬!!! (我平時不太「好」的~) Thanks Ki琪! 

星期日晚餐 - 香草烤雞, 雲腿娃娃菜, 爵士湯

Coastal Blue 中西合壁之夜~

醃左中環買既$40春雞幾晚, 想今晚焗. 本來想整多個西式既蔬菜類同意粉, 又買唔到茄子/ 翠玉瓜, 最後買左娃娃菜同煮飯.


娃娃菜用半蒸煮既方法我覺得好味過平時炒. 入味D, 無咁多水.

做法:

1. 下油炒炒娃娃菜

2. 下雞粉(用得雲腿一定要用雞, 唔好落鹽, D味夾好多!), 或可用雞湯

3. 下切絲/ 粒狀的雲腿 

4. 加蓋細火煮2分鐘, 熄火焗3-4分鐘.  

雞雞今次風乾左一個鐘先烤, 個皮仲脆, 肉好JUICY, 得左~
爵士湯用左主廚方法整, 係好香蜜瓜味, 不過太多水(因為無大煲, 我用真空煲). 宜家用CASSIS 20放幾多水飲幾多湯, 好容易預. 真空煲我就次次都差D(試過太多水, 試過燒乾水!!!) 而且好耐無用... 唔哂講咁多, 敗返個大煲要緊! 

實驗 - 蜜糖梅酒

看到亞咪的蜜糖梅酒覺得很吸引, 又買了兩磅梅浸多ROUND:

酒 800ML, 梅 2 磅,  HONEY 500ML 
(本來酒應用到1000ML, 不過上次的白雪清酒用剩800ML, 由得它少些酒甜些)

正宗爵士湯 - 西苑酒家行政總廚video教學

試過幾次參考不同的配方, 總覺得自己的出品差一點點, 無意中找到真正由西苑總廚的教學, 很興奮!!! 今個WEEKEND一定要再試: 

http://www.vdonext.com/index.php?fuseaction=Features.Archive&channel_id=575603&program_id=832877 

正宗爵士湯(四人份量)

材料:

老雞12両、豬展10両、上骨6両、雞腳8隻、蜜瓜12両、螺頭6両、

花膠4両、沙參1両、玉竹1両、瑤柱2両、薑少許

 

做法:

1. 老雞、豬展、上骨、雞腳、螺頭放入滾水汆水，撈起瀝乾。

2. 將上骨、雞腳、螺頭、瑤柱及薑先煲1小時。

3. 再放入老雞、豬䎻煲半小時。

4. 蜜瓜起皮及籽放魚袋內；蜜瓜肉用攪拌器打成汁備用。

5. 最後後加入蜜瓜皮、蜜瓜籽、蜜瓜汁、沙參、玉竹及花膠煲1小時

即成。

不知道總廚是不是已將所有秘方公開?   

放假晚餐 - 日式芥末青瓜脆雞, 鹽焗蝦, 炒生菜

雜誌見到MAY姐食譜



日式芥末青瓜脆雞

做法:
1. 雞脾肉用雞汁, 少少紹酒醃 (我唔想專登買雞汁, 用左綠色罐無味精版雞粉醃)
2. 半匙五香粉, 2匙面粉, 2匙生粉撈均
3. 雞脾肉兩邊沾粉, 落鑊半煎炸(比煎多少少油但冇炸咁多) P.S. 380都做到!
4. 熟後盛起擺幾分鐘
5. 期間可切定青瓜, 排好.
6. 用半匙WASABI, 撈2匙BB MAYONNAISE (我怕辣, 撈多D)
7. 切開雞肉上碟. 芝麻MAY姐無教, 我自己加架~

TIPS:
雞肉切一口大小比較容易食.
個樣好有PARTY FOOD FEEL, PARTY出佢幾新穎~ 如果有心機不妨用唧花袋唧D醬仲靚!

鹽焗蝦好簡單, 不過直接舖鹽上好似咸左D, 我下次會舖一層錫紙隔一隔.

炒多個生菜又一餐.

放假下午茶 - 火腿芝士洋蔥Burger, Homemade豆漿

製作:
面包分開兩邊放入爐焗
洋蔥切絲加牛油炒香
火腿落埋WOK(MY380)煎熱
趁熱夾好所有料