星期日早餐 - My first 湯種包

上完麵包初班, 想係屋企試好耐, 但都好HESITATE自己攪唔攪得掂.
星期六晚終於鼓起勇氣試. 因為想整完包聽日食, 見湯種又未至於好難, 就試整湯種.

搓完包等第一次發酵, 因為廳開左冷氣入到廚房, 有D驚發唔起, 所以我專登煲左煲水打開D蒸氣, 見到包發起兩倍好雀躍!!! 

跟住我分別整左辮子樣, 同擺左一個Rilakkuma模, 一個心型模.
鬆弛完真係好軟, 好開心~ 
半夜先焗辮子試一試.

結果係: 新鮮出爐好香! 味道岩岩好, 發酵鬆弛都OK, 不過質地唔鬆軟, 反而似SCONE質地! 我相信係我搓包搓得唔夠耐~


Rilakkuma同心型放左入冰箱, 第二日解凍, 都係好SCONE~
不過我已經好滿意第一次有咁既成績... 本來想趁星期日得閒即刻再練, 不過唔夠粉, 要走返轉粉先!