星期日晚餐 - 蠔油薑絲雞肉, XO醬炒紹菜

又來簡單的一餐, 然後去游夜水.

今餐又快又簡單, 平日放工可再ENCORE:


蠔油薑絲雞肉

去皮雞脾肉只用無添加雞粉醃, 不用下鼓油/糖等等, 炒前下生粉撈撈. 熱鑊先煎香雞肉至7-8成熟, 下薑絲, 少少水, 少少蠔油, 炒熟.
很喜歡有薑的餸~

XO醬炒紹菜
熱鑊炒菜2-3分鐘, 不要加水, 不要加蓋焗, 只要保持一邊炒鑊仍然「咋咋」聲, 菜唔洗太多調味都會好食~ 最後下XO醬再炒炒, 已經OK~

星期日晚餐 - MAY姐燒雞, 櫻花蝦炒翠玉瓜

Tyson用MAY姐方法試試~

MAY姐燒雞(省略餡料部分)
材料

春雞 1隻
牛油 1湯匙

醃料
紹興酒 1湯匙
鹽 1湯匙
雞粉 2茶匙
胡椒粉 1茶匙

做法

1. 雞洗淨後抹乾。
2. 將紹興酒、鹽、雞粉及胡椒粉拌勻成醃料，抹上雞身，放入雪櫃雪過夜
3. 取出後吊3小時至乾身
4. 預熱焗爐至 180℃，同一時間暖溶 1湯匙牛油
5. 雞掃上溶牛油，雞翼位包上錫紙，放入焗爐焗240分鐘
6. 大概10分鐘時掃多一次牛油
7. 出爐後休息5-8分鐘

(買了焗雞架, 好用~)

味道不錯, 不過仍然未令我十分回味! 主要是不太喜歡紹興酒的味; 而且雞皮也不算很脆. 

星期六晚餐 - 「心」鍋雲吞雞配粉絲, 清炒菜芯

心心開光~ 看到blog友們將靚靚相post到LC Japon好生羨慕, 即刻找心心出來開光, 不過煮得不靚相也影得不好, 所以不敢post.

第一次包雲吞, 買左日式雲吞皮, 原來比較細塊同薄, 結果包唔到幾多餡, 又包唔出金魚尾

炒菜用左LC COOKING CLASS既方法, 原來BERNDES都做到咁既效果, 清炒兩分鐘個鑊都仲好「咋咋」聲, 出黎既菜真係好味又唔老~ Yeah! 

LC Cooking Class

想上堂很久了, 之前一直是教魚腐米線, 終於等到今次這班乳香排骨.
老實說, 上堂前沒想到會獲益良多的:

(1) 炒菜兩分鐘, 個鑊一路都「咋咋」聲, 炒出黎既菜好鑊氣, 唔老又好食~
秘訣 - 凍鑊落油, 熱到個鑊好熱(大概燒3分鐘)先落菜炒, 過程中不用加水加蓋焗, 炒兩分鐘食得, 好味又可盡量KEEP到營養唔會係長時間煮時流失.

(2) 裡面白色既LC, 都可以用來炸野!
炸雞翼同椒鹽排骨都好好味~

宜家上完堂買野得正價25%OFF(以前係30%OFF啊~ ) 我決定先返去睇下我個BERNDES可唔可以用同一方法炒到D菜「咋咋」聲先! 

平日晚餐 - 煎蛋牛肉煲仔飯

平反! 今次用20CM, 將d飯同牛肉都分散d, 薄d; 容易熟又快, 三扒兩撥食哂

星期日晚餐 - 洋蔥汁漢堡扒飯

唾涎偽主婦的漢堡扒很久了, 今晚跟足她BLOG中日籍廚師MASA老師的黃金比例做了一次. 果然非常JUICY好味!!! 比在吉吉島買的和牛漢堡更好, 邊食邊讚實在令人驚喜~

用洋蔥煮汁. 煎漢堡扒後炒洋蔥, 下鹽, 黑椒, 雞粉, 生粉, 水, 和用剩了少少奶.
沒到超市買菜, 所以飯後補返兩個橙~ 


還剩了兩個漢堡扒, 下次可做漢堡包~ 

星期日早餐 - My first 湯種包

上完麵包初班, 想係屋企試好耐, 但都好HESITATE自己攪唔攪得掂.
星期六晚終於鼓起勇氣試. 因為想整完包聽日食, 見湯種又未至於好難, 就試整湯種.

搓完包等第一次發酵, 因為廳開左冷氣入到廚房, 有D驚發唔起, 所以我專登煲左煲水打開D蒸氣, 見到包發起兩倍好雀躍!!! 

跟住我分別整左辮子樣, 同擺左一個Rilakkuma模, 一個心型模.
鬆弛完真係好軟, 好開心~ 
半夜先焗辮子試一試.

結果係: 新鮮出爐好香! 味道岩岩好, 發酵鬆弛都OK, 不過質地唔鬆軟, 反而似SCONE質地! 我相信係我搓包搓得唔夠耐~


Rilakkuma同心型放左入冰箱, 第二日解凍, 都係好SCONE~
不過我已經好滿意第一次有咁既成績... 本來想趁星期日得閒即刻再練, 不過唔夠粉, 要走返轉粉先! 

平日晚餐 - 煎蛋牛肉煲仔飯 清炒白菜仔

等心心送貨, 整返煲煲仔飯先~
今次牛肉既味同質感好岩, 煎蛋夠圓, 不過可惜飯濕左D.

荔枝酒

喜歡荔枝的香甜, 原來可以浸酒, 同梅酒有些不同. 荔枝酒用桂花陳酒浸, 
桂花陳酒本身已經很香很甜, 所以不用加糖. 聽講荔枝同桂花味好夾~ 
荔枝剝殼, 去核, 準備一細碗桂花陳酒洗一洗荔枝. 我用1.5L既樽, 裝半樽荔枝肉, 然後岩岩好落哂一枝酒. 封好, 三個月已經飲得~   

星期日午餐 - 蕃茄煮牛肉, 日本糖心蛋

今個Lunch時想叫外賣攪掂, 點知揸住張外賣紙好耐都唔知叫乜好. 最後, 我快煮了個飯.

電飯煲最快要半個鐘, 所以我用了16cm來煲, 大火煮滾兩分鐘, 細火兩分鐘, 之後焗5-6分鐘以上 ->已經好熟手~
牛肉因為唔夠時間醃, 所以今次用左日式蕃茄磚, 補救左牛肉醃味不足, 好好味!
兩隻蛋係妹妹由日本便利店買回既糖心蛋, yummy!

日式蕃茄煮牛肉 by 蕃茄磚

1. 牛肉用少少老抽生抽醃 (醃肉通常起碼半個鐘先入味)
2. 蕃茄切粒, 落油炒, 加水加蓋炆一陣
3. 加蕃茄磚加水煮滾
4. 加牛肉煮熟

星期六晚餐 - 瑞士汁雞翼雞蛋, 蒜蓉炒白菜仔, 青紅蘿蔔瘦肉湯

粉紅煲入屋第一任務: 陳年瑞士汁第一煲~ 原來家家有自製的鹵水汁, 想到返煲再返煲後肯定有很多精華形成豐富的味道就覺得很吸引! 我都要為黃金家做獨家鹵水汁! 

大婆二奶: 


黃金家鹵水汁

1. 雞翼先用薑, 鹽飛水30秒, 再浸入冰水20分鐘 
2. 老抽和水各半, 加冰糖, 蒜頭, 薑, 紹酒, 雞粉煮成喜歡的味道, 偏甜和濃少少即可, 不要滾.
3. 下雞翼, 上次做福袋用剩的腐皮, 雞蛋
4. 煮至汁滾2分鐘, 熄火加蓋焗, 可放一邊由它浸, 將要吃時才再煮熱

P.S. 煮雞我喜歡用熄火加蓋焗熟的方法, 雞肉會十分嫩滑.  

減肥... 煮少個餸吃清清的湯渣~ 

星期六午餐 - 鹿兒島和牛漢堡

上次鹿兒島和牛漢堡好鍾意, 有晚又專登食完飯9點幾先行JUSCO, 買多兩塊50%OFF既和牛漢堡, 作為減肥中既鼓勵... (可想而知將會有幾「成功」!)

今次用生菜, 蕃茄, 唔加任何醬, 和牛好JUICY, 所以都無醬都唔會太乾.

星期六早餐 - 沖繩午餐肉太陽旦一丁, 烏龍奶茶

好想試幾十蚊既沖繩午餐肉究竟幾好味, 係真係好好味, 好似有D芝士係裡面咁~ 
買左個細細PAN, 太陽旦終於有圓形啦~ 

本來想尋晚試下自己整包, 今朝焗黎食; 點知都係無信心開工, 睇黎我要去上多D堂先得! 

三合一裝既奶茶不嬲都唔好飲, 味好怪, 直至出左烏龍奶茶~ 好清香唔太甜, 懶人之選~ 

減肥晚餐 - 冬瓜粒粒湯飯

冬瓜粒粒湯飯我覺得好有中式risotto feel, 用buffet casserole煮好夾, 淨係洗一個煲同兩隻碗好方便~


冬瓜粒粒湯飯

材料:
冬瓜半份
新鮮冬菇一兩
牛丸8粒
清雞湯/ 豬骨湯
米

做法:
1. 豬骨湯放大約1/3Buffet Casserole, 
煮滾 
2. 將冬瓜, 冬菇, 牛丸全部切粒, 放入湯內煮滾
3. 倒入米, 加適量水
4. 大火煮滾2分鐘, 轉小火3-4分鐘, 熄火焗5-6分鐘. (比平時齋煮白飯會耐少少)

其實可以另一邊煮白飯, 再加入煮滾的湯內, 如果出街食湯飯都會係咁. 不過我覺得連湯煮飯會令飯都有味, 而且可以一煲過~ 

星期日晚餐 - 冬瓜盅, 古勞鼓帶子蒸豆腐

兩公婆都肥了很多, 真的要減肥了! 由今晚開始我們決定吃超清淡食物, 什麼肉醬, 炸雞之類要告別一段時間了! 我們只會在週末一餐吃好些. 

減肥晚餐揭幕: 冬瓜盅, 古勞鼓帶子蒸豆腐 (兩樣都是預備媽媽到訪的後備菜) 

專登映的: Sabin Blue, Coastal Blue, Satin Pink, Lavender! 浪漫色的組合~ 

星期日的下午茶 - Rilakkuma Pan cake and Latte

星期日下午滿有信心的準備這個下午茶, 因上次整的時候超順利. 想不到這次卻弄得一敗塗地. 首先是粉漿怎也不熟, 然後一邊熟一邊發大, 漏了很多在爐頭上, 最後耳仔位又斷. 最後整一個比較似樣:  



真相: 

Espresso機方面只要咖啡豆不放太久, 大致都可做出香濃咖啡. 但奶泡實在要快些學了!  

星期六晚餐 (媽媽來訪) - 百寶福袋, 金腿娃娃菜, 鹽焗雞, 青紅蘿蔔豬骨湯

媽媽來訪. 不想煮得太複雜用太多時間在廚房, 但又不想太簡單令她擔心我的廚藝同健康, 要做些事先可準備好的, 分開不同爐具煮的...

最後選了:

金腿娃娃菜          - 拿手, 容易, 快熟, 可用BUFFET蒸煮, 近日的其他菜都不太當時
鹽焗雞                  - 用焗爐
青紅蘿蔔豬骨湯  - 朝早煲定, 再返煲即成老火
百寶福袋              - 唯一一樣第一次整既新野, 屬手功菜(對於我黎講)! 唔想樣樣都太簡單好似無乜誠意求求其其!

大婆換左雞KNOB的樣子:

大婆入屋第一件任務: 

三餸一湯:

SIU SIN教的百寶福袋 (簡化+變奏版):

簡單討好金腿娃娃菜:

Tyson雞, 第一次開邊焗:

媽媽最喜歡百寶福袋, 開心!!!

食譜 (參考Siu Sin做法)
百寶福袋 (簡化+變奏版):


材料:福袋- 日式腐皮絲帶- 九菜花

餡料:甘荀絲冬菇絲 (留起浸冬菇的水)炸菜絲
做法:1. 炒熟餡料, 調味 (我用少少雞粉), 放涼2. 腐皮對半切開(成兩個袋型), 放入餡料3. 用九菜花綁好袋口 (我怕一會煮不熟, 先用少少油炒一炒九菜花, 但如炒過熟, 綁的時候好易斷, 可炒定多幾條, 斷了的菜放埋入袋內不浪費)
4. 下鑊先煎一煎 (令袋面有少少煎香的顏色)
5. 下浸冬菇的水加蓋炆一炆, 可加切好花型/ 心型的甘荀片 (我切好但忘了加, 反而加了用剩的金腿粒增加紅色)
P.S.
由於炸菜絲已有味, 故不用加太多調味, 用冬菇水炆可配合原本的冬菇香味~
餡料其實用什麼都可以, 我覺得有軟有脆有一些香味濃的會夾得好味~ 統一切粒或切絲, 否則好似亂糟糟

平日晚餐 - 肉醬意粉, 肉醬茄子

上次做肉醬時的分量可分三次, 今次時第二次用. 在台北看過一本日本主婦寫的書, 教人利用冰箱雪好食物(生熟都有), 方便平時用. 今次我的肉醬就學她說不用解凍, 直接放在鍋中煮熟. 我覺得不太好, 因用了很多時間和不斷加些熱水幫助它溶解然後煮熟. 如果前一晚先放雪櫃下隔解凍應該會好些. 不過直煮也不影響味道, 依然好正! 

另外一條茄子先無水蒸3-5分鐘, 肉醬未READY由它焗一會, 然後分一半肉醬炒茄

星期日晚餐 - LC飯, 蕃茄炒牛肉, 清炒菜芯

星期日早上的實驗 - Rilakkuma Pan cake

星期日早上好多時可趁機食自己想食既野, 兼煮下信心不大的東東practice下.

話說在元朗一間Baking Store左等右等都唔見Rilakkuma Pan返貨 (I'm a big fans of 鬆弛熊! ), 把心一橫試下去東洋訂! 果然好快到手, 不過貴到唔可以討論!

我好驚佢痴底根本整唔到個樣, 今早試試, 點知係好順利!!! 正呀!

星期六晚餐 - 日式叉燒烏冬

尋晚14煲完飯涼都未沖, 我就要佢跟愛廚整依個日式叉燒, 點知自己抄食譜時抄D唔抄D, 梅頭肉無用叉吉，用綿線卷又唔夠緊，滷完唔記得用保鮮紙包好放進冰格定型, 所以最後切不到薄片，不過味道同衰樣都好似日式叉燒!!

星期五晚餐 - LC白飯, 偽炸雞, 雞柳炒西蘭花

SATIN BLUE第一日入屋已經要開工! 好耐無用LC煲飯, 因為上兩次煲仔飯都"mun"水, 所以平時用飯煲顧少個好D. 14CM真係好MINI, 我第一個諗到係兩人份既飯!

放上枱襯埋其他粉野好靚呀!


今晚整左既簡單又似PRO既「偽」炸雞, 靈感當然來至偽主婦!
簡單地將雞脾肉切塊, 放入保鮮袋, 加入炸粉搖均, 3分鐘後可焗.
今次我放入久了些, 有些出水, 樣子不太油炸, 不過已經好好吃!

PRO既係個碟! 有個架墊高炸物防止變lum之餘, 旁邊間隔可放不同醬, 造出PRO既感覺!!! 左下: BULLDOG醬, 中: BB旦黃醬, 上: 柚子鼓油.
我覺得點柚子鼓油最正!

上堂 - 麵包入門

看見大家整包整到好似出面買(其實係靚過出面!!!) 羨慕左好耐, 自己都買定D高筋粉, yeast... 想整又唔知點入手... 最後都係決定報返堂面包入門跟師傅學下. 

趕到C去到遲左10分鐘, 第一步見唔到師傅做乜唯有照跟隔離, 用手溝均D粉, 搓, 撻4次, 等第一次發酵. 
第一次發酵完個面團好軟好得意, 造型之後等第二次發酵...  

左起第二行個3個就係我架喇~ (3個3個為一行咁計)

掃完旦漿, 落左D黑色一粒粒唔知咩野, 焗15分鐘已經可以出爐, 好靚好有成功感呀!!!
即刻食左一個, 正
正 
正 
正 
正 
正 
正 
正 
正 !!! 

另外造左咁既款: 

如果今個星期五去完THANKFUL無頭暈身慶(上次去CLEARANCE SALES之後激得濟偏頭痛發作), 希望可以整定個包第二日食! 幻想一屋面包香沖埋咖啡真係好興奮呀! 

星期日晚餐 - 鹽焗雞, 菜飯, 青紅蘿蔔栗米瘦肉湯

今次雞是巴西, 比春雞大隻些多肉些. 鹽焗很香, 我比較喜歡它的味道多於之前西式的. 皮很脆, 肉JUICY.
菜飯用自己的方法整, 居然好好味.



鹽焗雞

1. 雞洗淨後抹乾
2. 用鹽焗雞粉塗均整隻內外
3. 用保鮮紙包好醃過夜
4. 焗前拿出來盡量攤回室溫
5. 用紙再索乾雞出的水份
6. 用紹酒掃雞腔內
7. 薄薄噴一層油於雞表面
8. 180度先焗雞胸10-15分鐘, 轉另一邊10-15分鐘, 230度再焗10分鐘.

沙薑醬

1. 沙薑粉加鹽, 下生油撈均

菜飯

1. 用電飯煲煲飯, 比平時少一些水(因下菜後會出水)
2. 白菜仔切碎, 用薑和雞粉炒一會
3. 電飯煲出很多蒸氣時, 把菜倒入撈均
4. 飯熟後打開蓋一下, 讓多餘蒸氣走出, 再由它保溫蒸多5分鐘.

湯用了湯包, 由下午開始斷斷續續地煲和返煲, 很清甜有老火FEEL.

星期六下午茶 - Bread Pudding, Latte

所有出街做的事搬在家做, 包括食好野, 睇戲, 嘆TEA...

Bread Pudding 一邊有提子乾, 一邊沒有的


話說買了KRUPS回來都未沖到一柸滿意的CAFFE, 原來我的咖啡豆已放太久了!
咖啡豆買回來應要一星期內用完, 要喝時才磨. 我買了一包星星的咖啡豆. 今天試了, 果然跟之前放了有一年的咖啡豆很大分別!
不過奶方面仍未掌握好, 咖啡頗重奶味, 只好鑑粗叫它LATTE... 要再多多學習~